Прадметны тыдзень беларускай мовы і літаратуры

З 27 лістапада па 1 снежня ва ўстанове адукацыі прайшоў тыдзень беларускай мовы і літаратуры. Усе мерапрыемствы былі накіраваны на развіццё інтарэса навучэнцаў да роднай мовы і літаратуры, да яе культуры і гісторыі.

У план тыдня ўвайшлі адкрытыя ўрокі і пазакласныя мерапрыемствы, конкурсы, выставы, беларускія гульні і віктарыны.

Тыдзень выдаўся насычаны і незвычайны. Пад час усіх мерапрыемстваў рабяты паказалі не толькі свае веды, але і праявілі кемлівасць, змаглі пераканацца ў прыгажосці і непаўторнасці беларускай мовы, паглыбіць свае веды па гісторыі роднага краю, пашырыць свой кругазор і эрудыцыю.

Пераможцы конкурсаў і актыўныя ўдзельнікі былі ўзнагароджаны граматамі.